మహిళను మోసం చేసిన వ్యక్తి అరెస్ట్​

హైదరాబాద్​ రాజేంద్రనగర్​లో వివాహం చేసుకుంటానని ఓ మహిళను నమ్మించి మోసం చేసిన వ్యక్తిని పోలీసులు అరెస్ట్​ చేశారు. బాధితురాలు అత్తాపూర్​లో అసిస్టెంట్​ డైరెక్టర్​ కోర్సు చేస్తున్నట్లు పోలీసులు తెలిపారు.

వివాహం చేసుకుంటానని ఓ మహిళా​ను నమ్మించి, మోసం చేసిన వనస్థలిపురానికి చెందిన వ్యక్తిని రాజేంద్రనగర్​ పోలీసులు అరెస్ట్​ చేశారు. ముంబయికి చెందిన బాధితురాలు అత్తాపూర్​లో అసిస్టెంట్​ డైరెక్టర్​ కోర్సు చేస్తోంది. షాదీ డాట్​ కాంలో సాయినాథ్​ అనే యువకుడితో ఈమెకు పరిచయమైంది. సుమారు 20 రోజుల పాటు సహజీవనం చేసిన అనంతరం వివాహానికి నిరాకరించాడు. మనస్తాపానికి గురైన మహిళా ఆత్మహత్యాయత్నం చేసింది. స్థానికుల సాయంతో ప్రాణాపాయం నుంచి బయటపడి సాయినాథ్​పై ఫిర్యాదు చేసింది. దర్యాప్తు చేపట్టిన పోలీసులు అరెస్ట్​ చేసి.. కోర్టు అనుమతితో జైలుకు తరలించారు.

ఇవీ చూడండి: 'చీరతో ఉరేసుకుని గృహిణి బలవన్మరణం'