హైదరాబాద్ నుంచి చెన్నైకి హృదయాన్ని తరలించేందుకు పోలీసులు చేపట్టిన చర్యల పట్ల సర్వత్రా హర్షం వ్యక్తమవుతోంది. హైదరాబాద్, సైబరాబాద్ పోలీసులు లక్డీకాపూల్లోని గ్లోబల్ ఆసుపత్రి నుంచి గుండెను శంషాబాద్ రాజీవ్గాంధీ విమానాశ్రయానికి తీసుకెళ్లేలా గ్రీన్ ఛానల్ ఏర్పాటు చేశారు. అంబులెన్స్ ప్రయాణించే మార్గాల్లో పూర్తి అప్రమత్తతతో ట్రాఫిక్ను నిలిపివేయడం వల్ల గుండె వేగంగా గమ్యాన్ని చేరుకుంది. 29 కిలోమీటర్ల దూరాన్ని కేవలం 22 నిమిషాల్లోనే తరలించడం విశేషం.
గ్రీన్ ఛానల్ ద్వారా హృదయం తరలింపు
29 కిలోమీటర్లు... 22 నిమిషాలు... హైదరాబాద్ లక్డీకాపూల్లోని గ్లోబల్ ఆసుపత్రి నుంచి అంబులెన్స్ శంషాబాద్ విమానాశ్రయానికి చేరుకుంది. అందులో ఉన్నది పేషెంట్లు కాదు... ఓ హృదయం. అత్యవసరంగా చెన్నై తీసుకెళ్లాల్సి వచ్చింది. హైదరాబాద్, సైబరాబాద్ పోలీసుల సహకారంతో గ్రీన్ ఛానల్ ఏర్పాటు చేసి దిగ్విజయంగా ఓ గుండెను గమ్యానికి చేర్చారు.
హృదయం తరలింపు