వైరస్​ నుంచి కోలుకున్న సిబ్బందికి స్వాగతం పలికిన సీపీ

కరోనా కట్టడికి ప్రయత్నిస్తున్న వారిపై మహమ్మారి పంజా విసురుతోంది. కొవిడ్​ను జయించి వారు మరలా విధుల్లో చేరుతున్నారు. తాజాగా రాచకొండ కమిషనరేట్​ పరిధిలో 45 మందికి వైరస్ నుంచి కోలుకుని విధులకు హాజరయ్యారు.

రాచకొండ పోలీస్ కమిషనరేట్ పరిధిలో పనిచేస్తున్న 45 మంది పోలీసులు కరోనా నుంచి కోలుకుని తిరిగి విధులకు హాజరయ్యారు. వారందరికీ మేడ్చల్ జిల్లా నేరేడ్​మెట్ రాచకొండ పోలీస్ కార్యాలయంలో సీపీ మహేష్ భగవత్ స్వాగతం పలికారు.

వైరస్ సోకినంత మాత్రాన ఎవరూ భయపడొద్దని... హోం ఐసోలేషన్​లో ఉండి వైద్యుల సలహాలు పాటిస్తూ... మంచి ఆహారం తీసుకుంటే మహమ్మారిని సులభంగా జయించవచ్చని సీపీ తెలిపారు. కరోనా వచ్చిన వారిని అంటరానివారిగా చూడొద్దని ప్రజలకు, సిబ్బందికి సూచించారు.