కొత్తవి నిర్మించారు... పాతవి అక్కడే ఉంచారు

రాబోయే వర్షాకాలన్ని దృష్టిలో ఉంచుకుని జీహెచ్​ఎంసీ ముందస్తు జాగ్రత్తలు తీసుకుంటోంది. ప్రజలు ఇబ్బంది పడకుండా పలు చోట్ల పాత మాన్​హోల్స్​​ స్థానంలో కొత్తవి నిర్మిస్తున్నారు. పాత వాటిని అక్కడే వదిలేయడం వల్ల  వాహనదారులు, పాదచారులు తీవ్ర ఇబ్బందులు ఎదుర్కొంటున్నారు.

జంటనగరాల్లో నగర పాలక సంస్థ ముందుస్తు జాగ్రత్త చర్యలు చేపట్టింది. వర్షాకాలాన్ని దృష్టిలో ఉంచుకుని శిథిలావస్థలో ఉన్న మాన్​హోల్స్​​ను తొలగించి వాటి స్థానంలో కొత్త వాటిని నిర్మిస్తోంది. రోడ్లమీద మాన్​హోల్స్ కొత్తగా నిర్మిస్తున్నప్పటికీ పాత వాటిని అక్కడే వదిలేయడం వల్ల వాహనదారులు, పాదచారులు తీవ్ర ఇబ్బంది పడుతున్నారు. సికింద్రాబాద్ తుకారం గేట్​లోని మెయిన్ రోడ్డుపై నిర్మించిన కొత్త మాన్​హోల్స్​ కొన్నింటికి సిమెంట్ వేయకుండానే వదిలేశారు. మరికొన్నింటి వద్ద గుంతలు తవ్వి వదిలేశారు. వాహనదారులు, పాదచారులు తీవ్ర ఇబ్బంది కలుగుతోందని చెబుతున్నారు. అధికారులు వెంటనే చర్యలు తీసుకుని పాతవాటిని తొలగించాలని ప్రజలు డిమాండ్ చేస్తున్నారు.

ఇవీ చూడండి: దిల్లీలో నేడు విపక్షాల నేతల కీలక సమావేశం