'కేటీఆర్​ సారు ఈ కాపరిని కాపాడండి'

సౌదీలో రాష్ట్ర వాసులు పడుతున్న కష్టాలు వీడియోల రూపంలో వెలుగుచూస్తున్నాయి. పొట్టకూటి కోసం దేశం కాని దేశం వెళ్లి నరకయాతన అనుభవిస్తున్నామని.. మీరే అదుకోవాలంటూ సమీర్​ అనే యువకుడు ట్విటర్​ ద్వారా కేటీఆర్​ను కోరారు.

"కేటీఆర్ అన్న నన్ను కాపాడుండ్రి.. సౌదీలో నన్ను సంపుతుండ్రు. రంజాన్​ మాసంలో ఇదే నాకు చివరి ఉపవాసంలా ఉంది. సౌదీలో ఏజెంట్ మోసంతో నరకయాతన పడుతున్న".. అంటూ రాజన్నసిరిసిల్ల జిల్లా ఇల్లంతకుంట మండల కేంద్రానికి చెందిన ఎండి సమీర్ అనే యువకుడు తనను అదుకోవాలని వేడుతూ కేటీర్​కు ట్వీట్​ చేశాడు.

యువనేత స్పందన..
సమీర్​ ట్వీట్​కు స్పందించిన తెరాస కార్యనిర్వాహక అధ్యక్షుడు కేటీఆర్​ సమీర్​ను భారత్​కు రప్పించడానికి సహకరించాల్సిందిగా భారత విదేశాంగ శాఖను కోరారు.

ఇవీ చూడండి: ఇంటర్​ వివాదంపై నేడు హైకోర్టులో విచారణ