'పార్టీ మారిన ఎమ్మెల్యేలపై చర్యలు తీసుకోండి'

పార్టీ మారిన కాంగ్రెస్ ఎమ్మెల్యేలపై చర్యలు తీసుకోవాలని సీఎల్పీ నేత భట్టి విక్రమార్క సభాపతి పోచారం శ్రీనివాస రెడ్డికి  ఫిర్యాదు చేశారు. ఈ విషయంపై రాష్ట్రపతిని కలవనున్నట్లు వెల్లడించారు. ముఖ్యమంత్రి ఓ రాజకీయ ఉగ్రవాదని భట్టి దుయ్యబట్టారు. ఈ నెల 26 నుంచి ప్రజాస్వామ్య పరిరక్షణ యాత్ర చేపట్టనున్నట్లు ప్రకటించారు.

ముఖ్యమంత్రి కేసీఆర్ రాజకీయ ఉగ్రవాదిగా వ్యవహరిస్తున్నారని సీఎల్పీ నేత భట్టి విక్రమార్క విమర్శించారు. కాంగ్రెస్ శాసనసభ్యులు పార్టీ వీడటాన్ని క్విడ్ ప్రోకోగా అభివర్ణించారు. ఫిరాయింపులపై రాష్ట్రపతిని కలిసి ఫిర్యాదు చేస్తామని తెలిపారు. ఈ నెల 26న పినపాకలో ప్రజాస్వామ్య పరిరక్షణ యాత్ర ప్రారంభిస్తామన్నారు. పార్టీ మారిన ఎమ్మెల్యేల నియోజకవర్గాలతోపాటు ఇతర ప్రాంతాల్లోనూ యాత్ర కొనసాగుతుందని పేర్కొన్నారు.

ఇవీ చూడండి: ఇంటర్ బోర్డు నిర్వాకంపై హెచ్చార్సీలో ఫిర్యాదు