ఘోర రోడ్డు ప్రమాదం.. ఇద్దరు దుర్మరణం

బతుకుదెరువు కోసం రాష్ట్రం కాని రాష్ట్రానికి వచ్చారు. కష్టపడి ఉన్నంతలో సంతోషంగా జీవనం సాగిస్తున్నారు. కానీ ఇంతలోనే... జరగరాని ఘోరం జరిగింది. మద్యం మత్తులో చెట్టును ఢీ కొట్టారు. ఈ ఘటనలో ఇద్దరు అక్కడికక్కడే దుర్మరణం చెందారు.

భద్రాద్రి కొత్తగూడెం జిల్లా అశ్వారావుపేట మండలం ఓట్లపల్లి సమీపంలో ఘోర ప్రమాదం జరిగింది. మద్యం మత్తులో మూల మలుపు వద్ద చెట్టు ఢీ కొట్టిన ఘటనలో ఇద్దరు మృతి చెందగా... ఒకరికి తీవ్ర గాయాలయ్యాయి. ఈ వార్త విన్న కుటుంబసభ్యులు గుండె బద్దలయ్యేలా రోదిస్తున్నారు. మృతదేహాలను పోస్టుమార్టం కోసం, క్షతగాత్రుడిని చికిత్స కోసం అశ్వారావు పేట ఆసుపత్రికి తరలించారు.

బిహార్​కు చెందిన అనిల్ కుమార్ యాదవ్ కుటుంబసభ్యులతో కలిసి పదేళ్ల క్రితం అశ్వారావుపేటకు వలస వచ్చాడు. ఓ వస్త్ర దుకాణం నడుపుతూ... జీవనం సాగిస్తున్నాడు. చందన్​ యాదవ్​ దుకాణంలో గుస్తాగా పనిచేస్తున్నాడు. ఆదివారం సెలవు కావటం వల్ల... రోహిత్ యాదవ్​తో వినాయకపురం చిలకల గండి ముత్యాలమ్మ దర్శనం కోసం వెళ్లారు. అనంతరం స్నేహితుడు ఇచ్చిన విందులో మద్యం తాగారు. ఇంటికి తిరిగి వస్తుండగా... ప్రమాదానికి గురయ్యారు. ఈ ప్రమాదంలో అనిల్​యాదవ్​, చందన్​ యాదవ్ అక్కడికక్కడే మృతి చెందగా... రోహిత్​ యాదవ్​ అపాస్మారక స్థితిలో వెళ్లాడు. స్థానికుల సమాచారంతో అక్కడికి చేరుకున్న ఎస్సై మధు ప్రసాద్ కేసు నమోదు చేసి దర్యాప్తు చేపట్టారు. మద్యపానంతో పాటు అధిక లోడు, అతివేగమే ప్రమాదానికి కారణమని ఎస్సై తెలిపారు.

ఇదీచూడండి.'ఈటీవీ భారత్'ను సందర్శించిన సూపర్​స్టార్ రజనీ