భద్రాద్రి కొత్తగూడెం జిల్లా అశ్వారావుపేట నియోజకవర్గంలో ఎన్నికల ఏర్పాట్లు పూర్తయ్యాయి. నియోజకవర్గంలోని 183 కేంద్రాల్లో పోలింగ్ జరగనుంది. అశ్వరావుపేట వ్యవసాయ కళాశాలలో ఎన్నికల సిబ్బందికి సామగ్రి అందించారు. అక్కడి నుంచి వారికి కేటాయించిన కేంద్రాలకు సిబ్బంది చేరుకుంటున్నారు. పోలింగ్ సజావుగా సాగేందుకు గట్టి భద్రత ఏర్పాట్లు చేశామని పాల్వంచ డీఎస్పీ మధుసూదన రావు తెలిపారు. నియోజకవర్గంలో 412 మంది పోలీసులు భద్రత కోసం కేటాయించారు. ఎలాంటి అవాంఛనీయ ఘటనలు జరగకుండా కట్టుదిట్టమైన చర్యలు చేపట్టినట్లు వెల్లడించారు.
అన్ని కేంద్రాలకు ఎన్నికల సామగ్రితో చేరుకుంటున్న సిబ్బంది