గ్రామాభివృద్ధే సర్పంచుల ధ్యేయం

కొత్తగా ఎన్నికైన సర్పంచులకు పాలనపై శిక్షణ తరగతులు కొనసాగుతున్నాయి. భద్రాచలంలో చేపట్టిన తరగతులకు జిల్లా కలెక్టర్ హాజరయ్యారు. ఊరుని ఎలా అభివృద్ధి చేయాలో, నిధులను ఎలా ఉపయోగించుకోవాలనే విషయాలపై అవగాహన కల్పించారు.

భద్రాద్రి కొత్తగూడెం జిల్లా భద్రాచలంలోని ఎంపీడీవో కార్యాలయంలో జరుగుతున్న నూతన సర్పంచుల శిక్షణ తరగతుల్లో కలెక్టర్ రజత్ ​కుమార్ సైనీ పాల్గొన్నారు. నూతన సర్పంచులు ఎలాంటి విధులు నిర్వర్తించాలి, సమస్యలేమైనా ఉంటే ఏ విధంగా ఫిర్యాదు చేయాలనే అంశాలను వివరించారు. సర్పంచులతో వారు తీసుకోనున్న నిర్ణయాలను అడిగి తెలుసుకున్నారు. అందరూ కలిసి గ్రామాభివృద్ధికై కృషి చేయాలని సూచించారు.