పిడుగుపడి ఇద్దరు రైతులు దుర్మరణం

ఆదిలాబాద్​ జిల్లాలోని తేజపూర్​ గ్రామంలో పిడుగు పాటుకు ఇద్దరు రైతులు మృతిచెందారు. గ్రామ శివారులో వ్యవసాయ పనులు చేస్తుండగా వర్షం కురిసింది. తడవకుండా ఉండేందుకు చెట్టు కిందకు వెళ్లిన సమయంలో పిడుగుపడి ఇద్దరు అక్కడికక్కడే మృతిచెందారు.

ఆదిలాబాద్​ జిల్లా నేరడిగొండ మండలం తేజపూర్​లో విషాదం చోటుచేసుకొంది. తేజపూర్​కు చెందిన రైతు తెడ్డు గంగయ్య, రేండ్లపల్లికి చెందిన మరో రైతు మారుతీ గ్రామ శివారులో కూలి పనులకు వెళ్లారు. అంతలోనే వర్షం కురవడం వల్ల తడవకుండా ఉండేందుకు సమీపంలోని చెట్టు కింద తలదాచుకున్నారు. అంతలోనే చెట్టుపై పిడుగు పడింది. ఈ ఘటనలో ఇద్దరు రైతులు అక్కడికక్కడే మృతిచెందారు. పోలీసులు ఘటనాస్థలికి చేరుకుని మృతదేహాలను పంచనామకు తరలించారు.

ఇవీ చూడండి: కల్యాణ లక్ష్మీ సొమ్ము కోసం భార్యను తగలబెట్టాడు