పాతకక్షల కారణంగా ఓ యువకుడిపై తెరాసకు చెందిన వార్డు కౌన్సిలర్ తొమ్మిది మందితో కలసి దాడికి పాల్పడటం ఆదిలాబాద్లో కలకలం రేపింది. జిల్లా కేంద్రంలోని భుక్తాపూర్‌ కాలనీకి చెందిన సిల్వర్‌ శ్రీనివాస్‌ను తెరాసకు చెందిన వార్డ్ కౌన్సిలర్ ఉష్కం రఘుపతి ఆయన అనుచరులు దాడికి దిగడం చర్చనీయాంశంగా మారింది. తన అనుచరులతో కలిసి బాధితుడి ఇంటికి వచ్చి.. పట్టణ శివారులోకి తీసుకెళ్లి దాడికి దిగారు. ఈ విషయమై వన్‌టౌన్‌ పోలీస్స్టేషన్లో కేసు నమోదైంది. రియల్టర్‌గా పేరొందిన తెరాస వార్డు కౌన్సిలర్ రఘుపతిపై గతంలోనూ పలు కేసులు నమోదయ్యాయి. తాజా గొడవలో ఆయనతో పాటు మిగిలినవారంతా పరారీలో ఉన్నట్లు పోలీసులు తెలిపారు.
ఆదిలాబాద్లో గ్యాంగ్వార్