నొవాక్‌ జకోవిచ్ అదరగొట్టాడు... ఫామ్‌ను కొనసాగిస్తూ ఈ ప్రపంచ నంబర్‌వన్‌ వింబుల్డన్ ఫైనల్‌కు దూసుకెళ్లాడు. శుక్రవారం జరిగిన పురుషుల సింగిల్స్‌ సెమీఫైనల్లో టాప్‌సీడ్‌ జకో 7-6 (7/3), 7-5, 7-5తో డెన్నిస్‌ షపవ్‌లోవ్‌ (కెనడా)ను ఓడించాడు.
తొలి సెట్‌ ఆరంభంలోనే జకో సర్వీస్‌ బ్రేక్‌ చేసిన షపవ్‌లోవ్‌ ఒక దశలో 3-1తో ఆధిక్యంలో నిలిచాడు. కానీ పుంజుకున్న నొవాక్‌ సెట్‌ను టైబ్రేకర్‌కు మళ్లించాడు. టైబ్రేకర్‌లోనూ దూకుడుగా ఆడిన అతడు సెట్‌ను గెలుచుకున్నాడు. రెండో సెట్లోనూ హోరాహోరీ పోరాటం జరిగింది. పదకొండో గేమ్‌లో ప్రత్యర్థి సర్వీస్‌ బ్రేక్‌ చేసిన జకో అదే జోరుతో సెట్‌ గెలిచాడు. మూడో సెట్‌.. రెండో సెట్‌ను తలపించింది.