యూఎస్ ఓపెన్ టైటిల్ను నాలుగోసారి దక్కించుకున్నాడు స్టార్ టెన్నిస్ ప్లేయర్ రఫెల్ నాదల్. తుదిపోరులో రష్యాకు చెందిన మెద్వదేవ్ను 7-5, 6-3, 5-7, 4-6, 6-4 తేడాతో ఓడించి ఛాంపియన్గా నిలిచాడు. అనంతరం స్పందించిన నాదల్.. ఈ విజయం తన కెరీర్లోనే ఉద్వేగభరితమైనదని అన్నాడు.
"నా టెన్నిస్ కెరీర్లో ఇది ఎంతో ఉద్వేగభరితమైన రాత్రి. నరాలు తెగే ఉత్కంఠతో సాగిన ఈ మ్యాచ్లో విజయం సాధించడం నాకు ఎంతో సంతోషంగా ఉంది". -రఫెల్ నాదల్, యూఎస్ ఓపెన్ విజేత
రికార్డు బ్రేక్‌
30 ఏళ్ల వయసు తర్వాత ఐదు టైటిల్స్‌ నెగ్గిన ఆటగాడిగా రఫెల్ నాదల్ సరికొత్త రికార్డు నెలకొల్పాడు. 33 ఏళ్ల నాదల్.. యూఎస్ ఓపెన్ ఛాంపియన్గా నిలవడం ఇది నాలుగోసారి. గతంలో మూడుసార్లు (2017, 2013, 2010) విజేతగా నిలిచిన అతడు ఒకసారి రన్నరప్ (2011)తో సరిపెట్టుకున్నాడు. కెరీర్లో 27 గ్రాండ్‌స్లామ్‌ ఫైనల్స్‌ ఆడిన ఈ స్పెయిన్బుల్.. 19 సార్లు గెలిచి, ఎనిమిదింటిలో ఓడిపోయాడు.
ఇది చదవండి: రఫ్పాడించిన నాదల్.. యూఎస్ ఓపెన్ కైవసం