ఏటీపీ ఫైనల్స్​: సెమీస్​కు చేరిన ఫెదరర్.. జకోపై విజయం

స్విస్ టెన్నిస్ స్టార్ రోజర్ ఫెదరర్... 'ఏటీపీ ఫైనల్స్'లో సెమీస్​కు చేరుకున్నాడు. రౌండ్ రాబిన్ విధానంలో జరిగిన గ్రూపు మ్యాచ్​లో నొవాక్ జకోవిచ్​పై విజయం సాధించాడు.

'ఏటీపీ ఫైనల్స్​'లో స్విస్ దిగ్గజం రోజర్ ఫెదరర్ సత్తాచాటుతున్నాడు. లండన్ వేదికగా జరుగుతున్న ఈ టోర్నీలో.. సెర్బియా స్టార్ నొవాక్ జకోవిచ్​పై విజయం సాధించాడు. 6-4, 6-3 తేడాతో గెలిచి 'ఏటీపీ ఫైనల్స్' సెమీస్​కు చేరాడు రోజర్.

"ఇది ఎంతో ప్రత్యేకమైన మ్యాచ్. ప్రత్యర్థి బలమైన వాడు. నిజంగా నమ్మలేకపోతున్నా.. ఇదో మాయలా ఉంది. నేను చాలా బాగా ఆడానని అనుకుంటున్నా" - రోజర్ ఫెదరర్, స్విస్ టెన్నిస్ స్టార్.

వింబుల్డన్​ ఫైనల్స్​లో తనను ఓడించిన జకోపై నెగ్గి ప్రతీకారం తీర్చుకున్నాడు ఫెదరర్. ఈ టోర్నీ ఆరంభ మ్యాచ్​లోనే ఆస్ట్రియాకు చెందిన డోమినిక్ థీమ్​పై ఓడిన స్విస్ స్టార్.. అనంతరం పుంజుకున్నాడు. రౌండ్ రాబిన్ విధానంలో జరిగిన తర్వాత గ్రూపు మ్యాచ్​లో బెరెత్తినిని ఓడించాడు.

ఇదీ చదవండి: 'ఏటీపీ ఫైనల్స్'లో నాదల్ సెమీస్ ఆశలు సజీవం