French Open: ప్రీక్వార్టర్స్​కు మారియా, కోకో గాఫ్​

ఫ్రెంచ్‌ ఓపెన్‌(French Open)లో ఆదివారం జరిగిన పోటీల్లో మారియా సక్కారి(గ్రీస్​), సోఫియా, కోకో గాఫ్​ అదరగొట్టారు. ప్రత్యర్థులపై ఆధిపత్యం చెలాయించి ప్రీక్వార్టర్స్​కు చేరుకున్నారు.

17వ సీడ్​ మారియా సక్కారి, ఫ్రెంచ్​ ఓపెన్​లో అదరగొట్టింది. ప్రత్యర్థులను చిత్తు చేస్తూ నాలుగో రౌండ్​కు దూసుకెళ్లింది. ఆదివారం జరిగిన మహిళల సింగిల్స్‌ మూడో రౌండ్లో దాదాపు మూడు గంటల పాటు సాగిన మ్యాచ్​లో ఎలీస్​ మెర్టెన్స్​(బెల్జియమ్​)ను 7-5, 6-7(2), 6-2 తేడాతో ఓడించింది. కెరీర్​లో తొలిసారి ఆమె నాలుగో రౌండ్​కు చేరుకుంది. ప్రీక్వార్టర్స్​లో సోఫియా కెనిన్​(అమెరికా)తో తలపడనుంది.

ఈ మూడో రౌండ్​లో నెం.4సీడ్​ సోఫియా 4-6,6-1,6-4తేడాతో జెస్సికా పెగులాను ఓడించగా.. నెం.24సీడ్​ కోకో గాఫ్​(యూఎస్​)3-6, 6-0, 6-1తేడాతో మాగ్డా లినెట్టి(పొలాండ్​)ను మట్టికరిపించింది. కోకో కూడా నాలుగో రౌండ్​కు చేరడం ఇదే తొలిసారి. దీంతో వీరిద్దరూ కూడా ప్రీక్వార్టర్స్​లో అడుగుపెట్టేశారు.

ఇదీ చూడండి French Open: గాయంతో ఫెదరర్​ ఔట్​!