టీ20 ప్రపంచకప్లో భాగంగా ఇంగ్లాండ్తో జరిగిన సెమీ ఫైనల్ మ్యాచ్లో విజయం సాధించింది న్యూజిలాండ్. తద్వారా పొట్టి మెగాటోర్నీలో తొలిసారి ఫైనల్కు చేరుకుంది. కాగా ఈ మ్యాచ్లో దాదాపు ఇంగ్లాండ్ విజయం ఖాయమన్న స్థితిలో క్రీజులోకి వచ్చి కివీస్ను గెలుపు గీత దాటించాడు నీషమ్. ఫలితంగా 2019లో వన్డే ప్రపంచకప్లో ఇంగ్లాండ్పై ఓటమికి ప్రతీకారం తీర్చుకునేలా చేశాడు.
167 పరుగుల లక్ష్య ఛేదనలో బరిలోకి దిగిన న్యూజిలాండ్ ఆదిలోనే గప్తిల్, విలియమ్సన్ వికెట్లు కోల్పోయింది. మరో ఓపెనర్ డారైల్ మిచెల్ (47 బంతుల్ల 72) అద్వితీయ పోరాటంతో కివీస్ కోలుకుంది. కానీ మ్యాచ్ స్వరూపాన్ని మార్చింది మాత్రం నీషమ్. కేవలం 11 బంతుల్లోనే 27 పరుగులు చేసి కివీస్ విజయాన్ని ఖాయం చేశాడు.