క్రమశిక్షణా రాహిత్యం కారణంగా సస్పెన్షన్ వేటుకు గురైన భారత స్టార్‌ రెజ్లర్‌ వినేశ్ ఫొగాట్‌కు టోక్యో ఒలింపిక్స్‌ జావెలిన్ స్వర్ణ పతక విజేత నీరజ్ చోప్డా నుంచి మద్దతు లభించింది. ప్రతి క్రీడాకారుడు దేశ జెండాను ఎగరేయాలనే బరిలో దిగుతాడని.. వినేశ్ కూడా ఇందుకు మినహాయింపు కాదని నీరజ్ అన్నాడు.
"ఈ క్లిష్ట సమయంలో వినేశ్కు నేను మద్దతిస్తున్నా. క్రీడాకారులందరూ ఏ పోటీలో అయినా జాతీయ జెండాను రెపరెపలాడించాలనే బరిలో దిగుతారు. ఎన్నోసార్లు వినేశ్ భారత్‌కు పతకాలు అందించింది. ఇందుకు ఆమెను చూసి అందరూ గర్విస్తున్నాం. ఆమెకు మా మద్దతు ఎప్పుడూ ఉంటుంది."