'క్రీడాకారుల ఎంపికలో మంత్రి ప్రమేయం ఉండదు'

హైదరాబాద్ బాక్సర్ నిఖత్ జరీన్ లేఖకు ట్విట్టర్ వేదికగా స్పందించారు కేంద్ర క్రీడామంత్రి కిరణ్​ రిజిజు. ఆటగాళ్ల ఎంపిక విషయం తన పరిధిలో ఉండదని, ఫెడరేషన్​ చేతిలోనే ఉంటుందని చెప్పారు. అయితే ఈ అంశాన్ని మరోసారి వారి​ దృష్టికి తీసుకెళ్తానని అన్నారు.

భారత బాక్సింగ్ ఫెడరేషన్​(బీఎఫ్​ఐ)పై అసహనం వ్యక్తం చేస్తూ.. హైదరాబాద్ బాక్సర్ నిఖత్ జరీన్​ రాసిన లేఖకు కేంద్ర క్రీడామంత్రి కిరణ్​రిజిజు స్పందించారు. ఈ అంశాన్ని ఫెడరేషన్​ దృష్టికి తీసుకెళ్తానని ఆమెకు హామీ ఇచ్చారు. ఆటగాళ్ల ఎంపిక ప్రక్రియలో క్రీడామంత్రి జోక్యమేమి ఉండదని ట్విట్టర్ వేదికగా తెలిపారు.

"దేశం, క్రీడలు, అథ్లెట్ల పట్ల అత్యుత్తమ నిర్ణయం తీసుకునేలా బాక్సింగ్ ఫెడరేషన్​ దృష్టికి ఈ అంశాన్ని తీసుకెళ్తా. అయితే క్రీడాకారుల ఎంపిక విషయంలో క్రీడామంత్రి ప్రమేయం ఉండదు. ఒలింపిక్ చార్టర్ ప్రకారం ఈ అంశం స్వతంత్ర ప్రతిపత్తిగల స్పోర్ట్స్​ ఫెడరేషన్​ చేతిలోనే ఉంటుంది" - కిరణ్​ రిజిజు, కేంద్ర క్రీడామంత్రి.

ట్రయల్స్​ నిర్వహించకుండా మేరీకోమ్​నుఒలింపిక్స్​కు పంపాలనుకుంది భారత బాక్సింగ్ సమాఖ్య(బీఎఫ్​ఐ). ఈ అంశాన్ని తప్పుపట్టింది హైదరాబాద్​ బాక్సర్ నిఖత్. తనకు న్యాయం చేయాలంటూ కేంద్రమంత్రి కిరణ్​రిజిజుకు లేఖ రాసింది. రష్యా వేదికగా జరిగిన ప్రపంచ ఛాంపియన్​షిప్​కూ సెలక్షన్ నిర్వహిస్తారని చెప్పి.. మేరీని టోర్నీకి పంపించారని తెలిపింది.

ఇదీ చదవండి: 'మేరీనే తీసుకోవాలనుకుంటే నేనెందుకు ఆడడం'