భారత మహిళా షూటర్ అపూర్వి చందేలా ప్రపంచ నంబర్ వన్ ర్యాంకు సాధించింది. మహిళల 10 మీటర్ల ఎయిర్ రైఫిల్ విభాగంలో గత కొంతకాలంగా నిలకడగా రాణిస్తున్న అపూర్వి అగ్రస్థానంలో నిలిచింది. మరో షూటర్ అన్జుమ్ మౌద్గిల్ రెండో ర్యాంకు సాధించింది. ఇప్పటికే వీరిద్దరూ 2020 టోక్యో ఒలింపిక్స్కు అర్హత సాధించారు.
ఫిబ్రవరిలో జరిగిన ఐఎస్ఎస్ఎఫ్ ప్రపంచకప్లో 252.9 పాయింట్ల వరల్డ్ రికార్డుతో స్వర్ణాన్ని చేజిక్కించుకుంది అపూర్వి చందేలా. అలాగే 2014 కామన్వెల్త్ క్రీడల్లో పసిడి గెలవగా.. 2018లో కాంస్య పతకం సాధించింది.
"షూటింగ్లో ప్రపంచ నంబర్ వన్గా నిలవడం నా కెరీర్లో మైలురాయిగా నిలిచిపోతుంది" అని ట్విట్టర్లో తన ఆనందాన్ని పంచుకుంది చందేలా.
చైనా బీజింగ్లో జరిగిన ఐఎస్ఎస్ఎఫ్ ప్రపంచకప్లో స్వర్ణాన్ని గెలిచిన మౌద్గిల్ తాజాగా నెంబర్ 2 ర్యాంకును చేజిక్కించుకుంది. 10 మీటర్ల ఎయిర్ రైఫిల్ విభాగంలో ఈ ఘనత సాధించింది. మను బాకర్ 25 మీటర్ల పిస్టల్ విభాగంలో 10వ ర్యాంకులో నిలిచింది.
పురుషుల విభాగంలో దివ్యాంశ్ సింగ్ 10 మీటర్ల ఎయిర్ రైఫిల్ ఈవెంట్లో 4వ ర్యాంకు సాధించాడు. అభిషేక్ వర్మ 10 మీటర్ల ఎయిర్ పిస్టల్ విభాగంలో మూడో స్థానంలో నిలిచాడు.