Asian Games Ind Vs Pak Squash : ప్రస్తుతం జరుగుతున్న ఆసియా క్రీడల్లో ఇండియా పతకాల జోరును కొనసాగిస్తోంది. తాజాగా మరో గోల్డ్ మెడల్ను ఖాతాలో వేసుకుంది. చివరి వరకు ఉత్కంఠభరితంగా సాగిన పురుషుల స్కాష్ జట్టు ఫైనల్లో 2-1తేడాతో పాకిస్థాన్ను ఓడించి స్వర్ణాన్ని ముద్దాడింది. సౌరవ్ ఘోషల్, అభయ్ సింగ్, మహేశ్ మాంగా, సంధు హరీందర్ కూడిన బృందం ఈ పతకాన్ని అందుకుంది. అసలు ఒకానొక దశలో ఇండియా కేవలం సిల్వర్ మెడల్కే పరిమితమవుతుందా..? అని అనిపించింది. కానీ కీలక రౌండ్లో భారత ప్లేయర్ అభయ్ సింగ్ చివరి వరకు పోరాడి జట్టుకు విజయాన్ని అందించాడు.
మొత్తం ఐదు గేముల్లో ఇండియా - పాకిస్థాన్ చెరో రెండేసి విజయాలు సాధించాయి. దీంతో చివరి రౌండ్ కీలకంగా మారింది. అయితే ఆఖరి రౌండ్లో పాకిస్థాన్ ప్లేయర్ నూర్ జమాన్‌పై అభయ్ 12-10 పాయింట్ల తేడాతో గెలిచాడు. దీంతో భారత్ 3-2 తేడాతో పాక్పై గెలిచి గోల్డ్ మెడల్ను తన ఖాతాలో వేసుకుంది. కాగా, భారత్ చివరిసారిగా 2014 ఆసియా క్రీడల్లో స్క్వాష్‌లో విజయం సాధించింది. మొత్తంగా ఈరోజు టీమ్‌ఇండియాకు ఇది రెండో గోల్డ్ మెడల్ కావడం విశేషం. అంతకుముందు టెన్నిస్‌లో రోహన్ - రుతుజ జోడీ మిక్స్డ్ డబుల్స్‌ ఈవెంట్లో గోల్డ్ మెడల్ను దక్కించుకుంది.