'ఒలింపిక్స్​ ఆటగాళ్లకు త్వరలోనే కొవిడ్ టీకా'

టోక్యో ఒలింపిక్స్​లో పాల్గొనే ఆటగాళ్లకు త్వరలోనే కొవిడ్ వ్యాక్సిన్ ఇస్తామని కేంద్ర క్రీడా శాఖ మంత్రి కిరణ్​ రిజిజు పేర్కొన్నారు. ప్రస్తుతం ఫ్రంట్​లైన్​ వారియర్స్​కు టీకా పంపిణీ జరుగుతోందని, అనంతరం అథ్లెట్లకు వ్యాక్సినేషన్​ కార్యక్రమం చేపట్టనున్నట్లు మంత్రి స్పష్టం చేశారు.​

టోక్యో ఒలింపిక్స్​కు వెళ్లే​ అథ్లెట్లకు త్వరలోనే కరోనా టీకా ఇవ్వనున్నట్లు కేంద్ర క్రీడా శాఖ మంత్రి కిరణ్​ రిజిజు తెలిపారు. కరోనా యోధులకు వ్యాక్సినేషన్​ పూర్తయ్యాక ఆటగాళ్లకు టీకా​ వేయనున్నట్లు స్పష్టం చేశారు.

"ఫ్రంట్​లైన్​ వారియర్స్​ తర్వాత వ్యాక్సినేషన్​లో అథ్లెట్లకు ప్రాధాన్యం ఇవ్వాలని కేంద్ర ఆరోగ్య మంత్రిని కోరాం. వారి నుంచి సమాధానం రాగానే టీకా పంపిణీ ప్రారంభిస్తాం. టోక్యో ఒలింపిక్స్​కు ఇంకా తగినంత సమయం ఉంది. దీంతో నిర్ణీత సమయం లోపే ఆ ఆటగాళ్లకు టీకా ఇవ్వగలమనే నమ్మకం ఉంది" అని క్రీడల మంత్రి పేర్కొన్నారు.

ఈ ఏడాది పలు అంతర్జాతీయ క్రీడలకు భారత్​ ఆతిథ్యం ఇవ్వనుండడంపై మంత్రి హర్షం వ్యక్తం చేశారు. ఈ ఆటలకు తన మద్దతు ఉంటుందని తెలిపారు. దేశంలో మరిన్ని ప్రపంచ క్రీడలు జరగాలని ఆకాంక్షించారు.

గుజరాత్​లో పునర్​నిర్మించిన మొతేరా స్టేడియం ప్రారంభోత్సవంలో రాష్ట్రపతి రామ్​నాథ్​ కోవింద్​తో కలిసి పాల్గొననున్నట్లు మంత్రి తెలిపారు. బుధవారం ఇండియా, ఇంగ్లాండ్​ మధ్య మూడో టెస్టు ఇదే మైదానంలో మొదలు కానుంది.

ఇదీ చదవండి:కివీస్​తో తొలి టీ20లో ఆసీస్​ పరాజయం