World Cup 2023 Ind vs Aus :2023 వన్డే ప్రపంచకప్లో టీమ్ఇండియా ఫ్యాన్స్ ఎదురుచూస్తున్న రోజు రానే వచ్చింది. మరి కొన్ని గంటల్లోనే ఈ మెగాటోర్నీలో భారత్ తొలి మ్యాచ్ ఆడనుంది. చెన్నై వేదికగా భారత్.. ఆదివారం పటిష్ఠమైన ఆస్ట్రేలియాను ఢీకొట్టనుంది. అయితే రీసెంట్గా స్వదేశంలో కంగారులతో జరిగిన వన్డే సిరీస్ను భారత్ 2-1తో కైవసం చేసుకున్న విషయం తెలిసిందే. ఇక ఈ మ్యాచ్లోనూ అదే జోరుతో అసీస్ను ఓడించి.. టోర్నీని ఘనంగా ఆరంభించాలని రోహిత్ సేన భావిస్తోంది. కానీ ఆసీస్ను ఇలాంటి ప్రతిష్ఠాత్మక టోర్నీల్లో తీసిపారేయలేం.
ఐదుసార్లు విశ్వకప్ విజేత ఆస్ట్రేలియా.. ప్రతి ఎడిషన్లో టైటిల్ ఫేవరెట్గానే బరిలో దిగుతోంది. ఈ టోర్నీలో ఆసీస్.. భిన్నంగా కనిపిస్తే ఆశ్చర్యమేమీ లేదు. ఓపెనర్ డేవిడ్ వార్నర్ నుంచి కెప్టెన్ ప్యాట్ కమిన్స్ వరకు అందరూ అవసరమైనప్పుడల్లా.. అటు బ్యాట్, ఇటు బంతితో రాణించగలరు. అలాగే వార్నర్, స్టీవ్ స్మిత్, గ్లెన్ మ్యాక్స్వెల్, లబుషేన్ ఈ మధ్య మంచి ఫామ్లో ఉన్నారు. వారిని బుమ్రా, సిరాజ్‌ ఆరంభంలో.. మధ్య ఓవర్లలో కుల్‌దీప్‌, జడేజా, అశ్విన్‌ కంగారూ బ్యాటర్లను బాగానే ఇబ్బంది పెట్టగలిగితే మ్యాచ్లో టీమ్ఇండియా పైచేయి సాధించవచ్చు.