Kohli miss Westindies tour: పరుగులు చేయలేక ఇబ్బంది పడుతున్న టీమ్ఇండియా మాజీ కెప్టెన్ కోహ్లీ గురించి.. అభిమానులను నిరాశపరిచే వార్త ఒకటి బయటకు వచ్చింది. పేలవ ఫామ్లో ఉన్న అతడు.. వెస్టిండీస్ పర్యటనకు పూర్తిగా దూరంగా ఉండాలని నిర్ణయించుకున్నట్లు సమాచారం.
విండీస్తో టీ20లకూ విరాట్ దూరం.. పంత్, బుమ్రా, హార్దిక్ అనుమానమే! - వెస్టిండీస్ పర్యటనకు కోహ్లీ దూరం
Kohli miss Westindies tour: వెస్టిండీస్తో ఇప్పటికే వన్డే సిరీస్కు దూరంగా ఉన్న టీమ్ఇండియా మాజీ కెప్టెన్ కోహ్లీ.. ఇప్పుడు టీ20 సిరీస్కు కూడా అందుబాటులో ఉండడని తెలిసింది. పూర్తి పర్యటనకు దూరం కానున్నాడట. విరాట్ విశ్రాంతి కోరడం వల్ల సెలక్టర్లు అతడు పేరును పరిగణనలోకి తీసుకోవట్లేదని సమాచారం. ఇక పంత్, బుమ్రా, హార్దిక్ పాండ్య కూడా అందుబాటులో ఉండటం అనుమానంగానే ఉంది.
వెస్టిండీస్ పర్యటనకు కోహ్లీ దూరం
టీమ్ఇండియా-వెస్టిండీస్ ఈ నెల 22నుంచి మూడు వన్డేలతో పాటు ఐదు టీ20లు ఆడనుంది. ఈ పర్యటన కోసం ఇప్పటికే ప్రకటించిన వన్డే జట్టులో కోహ్లీ లేడు. ఇంగ్లాండ్‌తో చివరి టెస్టులో పేలవ ప్రదర్శన చేసిన అతడు.. ఆ జట్టుతో రెండో టీ20 నుంచి అందుబాటులోకి రానున్నాడు. అయితే ఇంగ్లాండ్ పర్యటన ముగిశాక కోహ్లీ వెస్టిండీస్‌కు వెళ్లట్లేదని తెలిసింది. విరాట్ విశ్రాంతి కోరడం వల్ల సెలక్టర్లు అతడు పేరును పరిగణనలోకి తీసుకోవట్లేదని సమాచారం. ఇతడితో పాటు హార్దిక్ పాండ్య, రిషబ్‌ పంత్, బుమ్రా సైతం ఈ సిరీస్కు దూరం కానున్నారు. కాగా, వీరితో పాటు రోహిత్‌ కూడా వన్డే సిరీస్కు అందుబాటులో ఉండట్లేదు. దీంతో ఈ సిరీస్‌లో శిఖర్‌ ధావన్‌ జట్టుకు నాయకత్వం వహించనున్నాడు. ఇక స్పిన్నర్‌ రవిచంద్రన్‌ అశ్విన్‌.. విండీస్తో టీ20 సిరీస్కు ఎంపికయ్యే సూచనలున్నాయి. మొత్తంగా ఈ సిరీస్కు సంబంధించి భారత జట్టును సెలక్టర్లు ఈ నెల 11న ప్రకటించనున్నారు.
ఇదీ చూడండి:హార్దిక్ ఆల్రౌండ్ షో.. తొలి టీ20లో టీమ్ఇండియా ఘన విజయం