Virat Kohli 2000+ Calendar Years :టీమ్ఇండియా స్టార్ బ్యాటర్ విరాట్ కోహ్లీ కెరీర్లో మరో మైలురాయి అందుకున్నాడు. గురువారం సౌతాఫ్రికాతో జరిగిన మ్యాచ్ రెండో ఇన్నింగ్స్లో విరాట్ 76 పరుగులు చేశాడు. దీంతో విరాట్ 2023 సంవత్సరంలో 2000 అంతర్జాతీయ పరుగుల మార్క్ అందుకున్నాడు. ఈ క్రమంలో 146 ఏళ్ల క్రికెట్ చరిత్రలో ఏడు క్యాలెండర్ సంవత్సరాల్లో 2000+ పరుగులు చేసిన తొలి బ్యాటర్‌గా అవతరించాడు. ఓ క్యాలెండర్ ఇయర్లో అత్యధిక సార్లు ఈ ఫీట్ సాధించిన ఏకైక క్రికెటర్గా నిలిచాడు. కాగా విరాట్ ఈ ఏడాది రెండు ఫార్మాట్ల (వన్డే, టెస్టు)లో కలిపి కేవలం 36 ఇన్నింగ్స్ల్లోనే 2048 పరుగులు చేశాడు. ఇక విరాట్ తన కెరీర్లో ఏడుసార్లు 2000+ పరుగులు చేసి ఈ జాబితాలో అగ్రస్థానంలో నిలవగా, శ్రీలంక మాజీ ప్లేయర్ కుమార సంగక్కర (6) రెండో ప్లేస్లో కొనసాగుతున్నాడు.
విరాట్ 2000+ అంతర్జాతీయ పరుగులు సాధించిన క్యాలెండర్ ఇయర్స్
- 2012- 2186 పరుగులు
- 2014- 2286 పరుగులు
- 2016- 2595 పరుగులు
- 2017- 2818 పరుగులు
- 2018- 2735 పరుగులు
- 2019- 2455 పరుగులు
- 2023- 2048 పరుగులు
Most Calendar Year 2000 Runs : ఈ జాబితాలో క్రికెట్ దిగ్గజం సచిన్ తెందూల్కర్ (5), శ్రీలంక మాజీ ప్లేయర్ మహేల జయవర్దనే (5) మూడో స్థానంలో ఉన్నారు. ఇక టీమ్ఇండియా మాజీ బ్యాటర్ సౌరభ్ గంగూలీ (4), సౌతాఫ్రికా దిగ్గజం జాక్వెస్ కల్లీస్ (4) నాలుగో ప్లేస్లో ఉన్నాడు.