టోక్యో ఒలింపిక్స్(Tokyo Olympics).. ప్రపంచమంతా ఈ అంతర్జాతీయ పోటీల కోసం ఉత్కంఠంగా ఎదురుచూస్తోంది. ఇంకొద్దీ రోజుల్లో ప్రారంభం కానున్న ఈ పోటీలకు ఏర్పాట్లు సర్వం సిద్ధం కానున్నాయి. ఈ సందర్భంగా మెగాక్రీడల్లో పాల్గొనబోయే క్రీడాకారులను ఉద్దేశిస్తూ మాట్లాడిన భారత దిగ్గజ క్రికెటర్ సచిన్ తెందుల్కర్... భారత అథ్లెట్స్ బాగా ఆడాలని ఆకాంక్షించాడు. వారందరికీ యావత్ దేశం ప్రోత్సాహం అందించాలని కోరాడు.
"కరోనా ప్రారంభమైనప్పటి నుంచి అథ్లెట్స్ అందరూ ఎన్నో సవాళ్లను ఎదుర్కొన్నారు. కానీ వారు ఏమాత్రం వెనుకడుగు వేయకుండా శిక్షణ చేస్తూనే ఉన్నారు. ఒలింపిక్స్లో వారంతా ఉత్తమంగా రాణిస్తారని ఆశిస్తున్నాను. మన అథ్లెట్లు బాగా శ్రమించారు. ప్రస్తుతం వారికి మన ప్రోత్సాహం అవసరం.చీర్ ఫర్ ఇండియా" అని సచిన్ అన్నాడు.