T20 World Cup Tickets: టీ20 ప్రపంచకప్నకు రంగం సిద్ధమవుతోంది. ఆస్ట్రేలియాలో జరగనున్న ఈ మెగా ఈవెంట్ టికెట్లు అమ్మకానికి ఉంచినట్లు అంతర్జాతీయ క్రికెట్ మండలి(ICC) తెలిపింది. ఈ టికెట్ ధరలను పిల్లలకు 5 డాలర్లు(రూ.374), పెద్దలకు 20 డాలర్లుగా (దాదాపు రూ.1495) నిర్ణయించినట్లు పేర్కొంది. t20worldcup.com వైబ్సైట్లో సోమవారం నుంచి టికెట్లు అందుబాటులో ఉంచినట్లు పేర్కొంది.
45 మ్యాచ్లు..
ఈ మెగా టోర్నీ అక్టోబర్ 16 నుంచి నవంబర్ 13 వరకు ఆస్ట్రేలియాలో జరగనుంది. ఏడు మైదానాల్లో మొత్తంగా 45 మ్యాచ్లు జరగనున్నాయి. అడిలైడ్, బ్రిస్బేన్, గీలాంగ్, హోబర్ట్, మెల్బోర్న్, పెర్త్, సిడ్నీ మైదానాలు పొట్టి ప్రపంచకప్ వేదికలు కానున్నాయి. ఫైనల్, నవంబర్ 13న మెల్బోర్న్ క్రికెట్ మైదానంలో జరగనుంది. సెమీఫైనల్స్ సిడ్నీ, అడిలైడ్, ఓవల్ వేదికగా నవంబర్ 9, 10న నిర్వహించనున్నారు. టీ 20 ప్రపంచకప్నకు ఆస్ట్రేలియా ఆతిథ్యం ఇవ్వడం ఇదే తొలిసారి.