టీమ్ఇండియా యంగ్ బ్యాటర్ పృథ్వీ షా.. మరోసారి వార్తల్లోకెక్కాడు. విండీస్తో టీ20 సిరీస్లో తనను ఎంపిక చేయనందున.. షా అసహనంగా ఉన్నట్లు తెలుస్తోంది. అయితే ఇటీవలె జోరు వర్షాలు ముంబయిని కుదిపేస్తున్న క్రమంలో.. షా ఆ వానలోనే తడూస్తూ బ్యాటింగ్ ప్రాక్టీస్ చేశాడు. ఇది వీడియో తీసి స్వయంగా పృథ్వీయే తన సోషల్ మీడియాలో షేర్ చేశాడు. ఇక ఈ వీడియో చూసిన నెటిజన్లు.. విండీస్ టూర్కు తనను ఎంపిక చేయనందుకు సెలక్టర్ల పట్ల షా.. పరోక్షంగా నిరసన తెలిపాడు అని కామెంట్ల రూపంలో తెలియజేస్తున్నారు.
23 ఏళ్ల పృథ్వీ.. ఇప్పటివరకు ఒకే ఒక్క అంతర్జాతీయ టీ20 మ్యాచ్ ఆడాడు. 2021లో శ్రీలంకతో జరిగిన మ్యాచ్లో ఆడిన షా కు బ్యాటింగ్ చేసే అవకాశం కూడా రాలేదు. ఆ తర్వాత మళ్లీ షా కు జాతీయ జట్టులో చోటు దక్కలేదు. ఇక ఈ ఏడాది ప్రారంభంలో కివీస్తో టీ20 లకు సెలెక్ట్ అయ్యాడు. కానీ అప్పుడు బెంచ్కే పరిమితమయ్యడు. కాగా తాజా విండీస్ పర్యటనతో పాటు, ఆసియా క్రీడలకు సైతం పృథ్వీకి పిలుపు అందలేదు. దీంతో తీవ్ర నిరాశకు గురైన షా.. ఈ విధంగా వినూత్నంగా నిరసన తెలిపినట్లున్నాడు.