తాను క్రికెట్ ఆడే రోజుల్లో జాతివివక్షకు పాల్పడ్డట్లు ఆరోపణలు వచ్చిన నేపథ్యంలో దక్షిణాఫ్రికా కోచ్ మార్క్ బౌచర్ స్పందించాడు. నల్లజాతి సహచరులను అవమానించేలా పాటలు పాడి, వారిని మారుపేర్లతో పిలిచిన బృందంలో భాగమైనందుకు క్షమాపణలు చెప్పాడు. ఈ మేరకు అతడు క్రికెట్ దక్షిణాఫ్రికా సోషల్‌ జస్టిస్‌ అండ్‌ నేషన్‌ బిల్డింగ్‌ కమిటీకి 14 పేజీల ప్రమాణ పత్రాన్ని సమర్పించాడు.
బౌచర్‌పై ఆరోపణలు చేసిన వారిలో పాల్‌ ఆడమ్స్‌ కూడా ఉన్నాడు. అయితే ఆడమ్స్‌ను తాను అవమానకర మారు పేరుతో పిలవలేదని, మరింత సున్నితంగా వ్యవహరించాల్సిందని తన ప్రమాణ పత్రంలో బౌచర్ పేర్కొన్నాడు.