Jasprit Bumrah Injury Update : టీమ్ఇండియా స్పీడ్ బౌలర్ జస్ప్రీత్ బుమ్రా.. వెన్ను గాయం కారణంగా చాలా కాలంగా క్రికెట్కు దూరమయ్యారు. ఈ ఏడాది న్యూజిలాండ్ వెళ్లిన అతడు.. అక్కడే సర్జరీ చేయించుకున్నాడు. అనంతరం నేషనల్ క్రికెట్ అకాడమీ (NCA)లో కోలుకుంటున్నాడు. ఇప్పటికే బుమ్రా చాలా వరకు కోలుకున్నట్లు తెలుస్తోంది. మరికొన్ని రోజుల్లో అతడు మళ్లీ టీమ్ఇండియాలో రీఎంట్రీ ఇచ్చే అవకాశాలు కనిపిస్తున్నాయి.
Jasprit Bumrah Surgery New Zealand : ఈ క్రమంలోనే తాను త్వరలోనే టీమ్ఇండియా తరఫున పునరాగమనం చేస్తానని బుమ్రా తాజాగా హింట్ ఇచ్చాడు. తన ఇన్‌స్టాలో ఒక ఎమోషనల్ వీడియో పోస్ట్ చేశాడు బుమ్రా. ఆ వీడియోలో తన ప్రాక్టీస్ సెషన్కు సంబంధించిన ఫొటోలు ఉన్నాయి. 'కమింగ్ హోం' అంటూ ఈ వీడియోకు క్యాప్షన్ ఇచ్చాడు ఈ టీమ్ఇండియా పేసర్. గతేడాది సెప్టెంబరు నుంచి బుమ్రా క్రికెట్కు దూరంగా ఉన్నాడు. ఆస్ట్రేలియాతో టీ20 సిరీస్లో అతడిని ఆడించగా.. రెండో మ్యాచ్‌లోనే గాయం తిరగబెట్టడం వల్ల విలవిల్లాడాడు.