Irfan Pathan Amit Mishra: భారత్ వెటరన్ క్రికెటర్లు ఇర్ఫాన్ పఠాన్, అమిత్ మిశ్రా మధ్య సామాజిక మాధ్యమాల వేదికగా మాటల యుద్ధం మొదలైంది. భారత భవిష్యత్తును ఉద్దేశించి శుక్రవారం ఉదయం ఓ ట్వీట్ చేశాడు టీమిండియా మాజీ పేసర్ ఇర్ఫాన్. దానికి తనదైన శైలీలో సమాధానమిచ్చాడు అమిత్ మిశ్రా. ఇంతకీ ఇరువురి మధ్య ట్విట్టర్ వార్కు దారితీసిన అంశం ఏమిటి?
భారత సత్తాను పేర్కొంటూ శుక్రవారం ఉదయం ఓ ట్వీట్ చేశాడు ఇర్ఫాన్. ' నా దేశం, నా అందమైన దేశం, ఈ భూమండలంపైనే గొప్ప దేశంగా ఎదిగే సత్తా ఉంది. కానీ...' అంటూ తన వాక్యాన్ని పూర్తి చేయకుండా వదిలేశాడు. ప్రస్తుతం దేశంలోని సామాజిక, రాజకీయ అంశాలను ఉద్దేశించి ఈ వ్యాఖ్యలు చేసినట్లు తెలుస్తోంది. కొద్ది రోజులుగా దేశంలో మతపరమైన హింస ఘటనలు జరుగుతున్నాయి. హనుమాన్ జయంతి రోజున పలు ప్రాంతాల్లో రాళ్లదాడులు వెలుగుచూశాయి. వాటిని సూచిస్తూ ఇర్ఫాన్ ట్వీట్ చేసినట్లు నెటిజన్లు భావిస్తున్నారు.