IPL 2023 Final CSK vs GT : చెన్నై సూపర్ కింగ్స్‌- గుజరాత్ టైటాన్స్‌ మధ్య ఆదివారం జరగాల్సిన ఐపీఎల్ ఫైనల్ మ్యాచ్(#IPL2023Finals) భారీ వర్షం కారణంగా వాయిదా పడిన సంగతి తెలిసిందే. దీంతో రిజర్వ్ డే ప్రకటించి సోమవారం మ్యాచ్ నిర్వహించనున్నారు. అయితే ఆదివారం ఫైనల్ మ్యాచ్ను వీక్షించేందుకు అభిమానులు భారీ ఎత్తున స్టేడియానికి తరలివచ్చారు.
కానీ వరుణడు కరుణించకపోవడం వల్ల అభిమానులంతా తీవ్రంగా నిరాశ చెందారు. మరీ ముఖ్యంగా చెన్నై సూపర్ కింగ్స్‌ కెప్టెన్‌ ధోనీకి ఇదే చివరి ఐపీఎల్ మ్యాచ్ అని వార్తలు వస్తుండటం వల్ల.. అతడి అభిమానులు మిగితా రాష్ట్రాల నుంచి కూడా భారీగా తరలివచ్చారు. ఈ క్రమంలోనే వర్షం వల్ల మ్యాచ్ వాయిదా పడడంతో ఫ్యాన్స్ తీవ్రంగా బాధపడతమే కాదు.. నానా అవస్థలు కూడా పడ్డారు. సోమవారం మ్యాచ్ నిర్వహిస్తామని ప్రకటించడంతో.. తమ అభిమాన క్రికెటర్‌ ఆడే మ్యాచ్ను చూసేందుకు అహ్మదాబాద్‌లోనే ఉండిపోయారు. రాత్రంతా సీఎస్కే జెర్సీతోనే రోడ్ల పక్కన ఫుట్పాత్లపై, రైల్వేస్టేషన్‌, బస్‌స్టేషన్‌లోనే నిద్రించారు. పగలంతా రోడ్లపైనే తిరుగుతూ కనిపించారు. దీనికి సంబంధించిన ఫోటోలు, వీడియోలు కూడా వైరల్‌ అవుతున్నాయి. వారంతా మహీ కోసమే వచ్చినట్లు అంటున్నారు.
సిక్లీవ్ కష్టాలు..
ఇకపోతే.. సోమవారానికి మ్యాచ్ను వాయిదా వేసే విషయం సంతోషం కలిగించేదే అయినా.. ఉద్యోగం చేసుకునే క్రికెట్ ప్రేమికులకు మాత్రం కాస్త నిరాశని కలిగిస్తోంది. మార్నింగ్ షిఫ్ట్ వారికి కాస్త ఇబ్బంది లేకపోయినా.. జనరల్, ఈవెనింగ్ షిఫ్ట్ వాళ్లు తమ బాస్‌లకు ఏం కారణం చెప్పి తొందరగా ఆఫీస్‌ నుంచి బయటపడాలా లేదా లీవ్ ఎలా పెట్టాలా అని గందరగోళం పడుతున్నారట. మ్యాచ్ ప్రారంభం అయ్యేలోగా స్డేడియానికి చేరుకునేలా ప్లాన్ చేసుకుంటున్నారట. కొంతమందైతే సిక్లీవ్స్ కూడా అప్లై చేసుకుంటున్నారట. దీనిపై జియో సినిమా ఓ ఫన్నీ మీమ్‌ను షేర్‌ చేసింది. హెచ్‌ఆర్‌ ఉద్యోగి ముందు కుప్పలు కుప్పలుగా ఉన్న సిక్ లీవ్ లెటర్స్‌ ఉంచి నవ్వులు పూయించింది. ఆ ఫొటో నెట్టింట్లో ట్రెండ్ అయింది.
చెప్పలేని పరిస్థితి..అభిమానులు ఆందోళన..