ఐపీఎల్లో(ipl 2021 second phase) మరో ఆసక్తి పోరుకు రంగం సిద్ధమైంది. రెండో దశ తమ తొలి మ్యాచ్లో విజయం వరకు వచ్చి ఓడిపోయిన పంజాబ్(sunrisers vs punjab match).. తొలి దశ నుంచి పేలవ ప్రదర్శన చేస్తున్న సన్రైజర్స్తో తలపడనుంది. శనివారం(సెప్టెంబరు 25) షార్జా వేదికగా ఈ మ్యాచ్ జరగనుంది. ఇందులో గెలిచి పాయింట్ల పట్టికలో ముందుకు వెళ్లాలని పంజాబ్.. పరువు నిలబెట్టుకోవాలని సన్రైజర్స్ పట్టుదలతో ఉన్నాయి. పాయింట్ల పట్టికలో ఇరు జట్లు చివరి తొలి రెండు స్థానాల్లో ఉన్నారు. ఈ నేపథ్యంలో ఇరు జట్ల బలాబలాలపై ఓ లుక్కేద్దాం..
ఈ సారైనా
పంజాబ్ కింగ్స్.. తొలి దశ నుంచి ఇప్పటివరకు ఆడిన తొమ్మిది మ్యాచుల్లో ఆరింటిలో ఓడి పాయింట్ల పట్టికలో చివరి నుంచి రెండో స్థానంలో ఉంది. రెండో దశను ఓటమితో ఆరంభించినా మంచి ప్రదర్శన చేసిందనే చెప్పాలి. రాజస్థాన్తో మ్యాచ్లో అదృష్టం కలిసి రాక రెండు పరుగుల తేడాతో ఓడిపోయింది. సారథి కేఎల్ రాహుల్, మయాంక్ అగర్వాల్, మర్క్రమ్, నికోలస్ పూరన్ బ్యాటింగ్లో బాగా రాణించారు. బౌలర్లోనూ అర్షదీప్ సింగ్, షమి బాగా వికెట్లు తీశారు. ప్రస్తుతం జట్టు అన్ని విభాగాల్లోనూ బలంగానే ఉంది. టీమ్ ఇదే ఫామ్ను కొనసాగిస్తే విజయం సాధించడం పక్కా!
సన్రైజర్స్ తీరు మారుతుందా?
సన్రైజర్స్ హైదరాబాద్కు ఈ సారి యూఏఈ పిచ్లు కలిసి రాలేదనే చెప్పాలి. తొలి దశ నుంచి పేలవమైన ప్రదర్శనతో అభిమానులకు తీవ్ర నిరాశకు గురిచేసింది. ఆడిన ఎనిమిది మ్యాచ్‌ల్లో కేవలం ఒకే ఒక్క విజయం సాధించింది. రెండో దశను ఘోర ఓటమితో ఆరంభించింది. ఆడిన తొలి మ్యాచ్లో దిల్లీ క్యాపిటల్స్(srh vs dc 2021) చేతిలో 8 వికెట్ల తేడాతో ఓడిపోయి ప్లేఆఫ్స్(sunrisers hyderabad playoffs) ఆశలు గల్లంతు చేసుకుంది! ఒకవేళ ఇప్పుడైనా ప్లేఆఫ్స్ చేరాలనే ఆశలు ఉంటే ఇకపై మిగిలిన ఆరు మ్యాచ్‌ల్లో తప్పనిసరిగా గెలవాల్సి ఉంది. అది కూడా ఇతర జట్ల సమీకరణాలపై ఆధారపడాల్సి ఉంటుంది. టాప్ ఆర్డర్లో రాణిస్తారనుకున్నవార్నర్‌, కెప్టెన్‌ విలియమ్సన్‌, మనీశ్‌ పాండే తక్కువ స్కోరుకే పరిమితమవుతున్నారు. బెయిల్ స్టో లేకపోవడం పెద్ద లోటు. మిడిలార్డర్లో ఘోరంగా విఫలమవుతుంది. బౌలర్లో రషీద్‌ ఖాన్‌ మినహా మిగతా వారు పెద్దగా ప్రభావం చూపలేకపోతున్నారు. కాబట్టి పంజాబ్తో జరిగే మ్యాచ్లో కూడా గెలుస్తుందనే నమ్మకం లేదు. ఈ మ్యాచ్లోనైనా ఆటగాళ్లు సమిష్టిగా రాణించి, అదృష్టం తోడుంటే విజయం దక్కుతుంది. లేదంటే మళ్లీ కథ కంచికే.
అయితే హైదరాబాద్పై పంజాబ్కు చెత్త రికార్డు ఉంది. ఇరు జట్లు 17మ్యాచ్లు ఆడగా.. అందులో హైదరాబాద్ 12 గెలవగా.. పంజాబ్ ఐదు మాత్రమే గెలిచింది.
ఇదీ చూడండి: సన్రైజర్స్ ప్లేఆఫ్స్ ఆశలు ఆవిరి!. కారణాలివే!
