రెండు మ్యాచుల్లో గెలుపు దాకా వచ్చి ఓడిపోయినప్పటికీ డ్రస్సింగ్‌ రూమ్‌లో సానుకూల వాతావరణమే ఉందని పంజాబ్ ఓపెనర్‌ మయాంక్ అగర్వాల్ అన్నాడు. వీటికి తాము కుంగిపోబోమని స్పష్టం చేశాడు. కెప్టెన్‌ కేఎల్‌ రాహుల్‌ అద్భుత ఆటగాడని ప్రశంసించాడు. గేల్‌ను ఆడించడంపై జట్టు యాజమాన్యం ఇప్పటికే పూర్తి స్పష్టతనిచ్చిందని వెల్లడించాడు.
"నిజాయతీగా చెప్పాలంటే డ్రస్సింగ్‌ రూమ్‌లో చాలా సానుకూల వాతావరణం ఉంది. మాకింకా 11 మ్యాచులు ఉన్నాయి. మేం చాలా పనుల్ని సక్రమంగా చేస్తున్నాం. మేం గెలుపునకు దగ్గరగా వచ్చి ఓడిపోవడం నిజమే. కానీ మేం ఫలితాలపై దృష్టి పెట్టడం లేదు. ప్రణాళికలు అమలు చేయడం, నాణ్యమైన క్రికెట్‌ ఆడటంపై మేం సంతోషంగా ఉన్నాం."