ఐపీఎల్లో నేడు కోల్కతా నైట్ రైడర్స్తో తలపడుతోంది రాయల్ ఛాలెంజర్స్ బెంగళూరు. టాస్ గెలిచిన నైట్రైడర్స్ కెప్టెన్ దినేష్ కార్తీక్.. కోహ్లీసేనను బ్యాటింగ్కు ఆహ్వానించాడు. బెంగళూరు వేదికగా జరుగుతున్న ఈ మ్యాచ్ని ఎలాగైనా గెలవాలనే కసితో ఉంది విరాట్ బృందం. దిల్లీతో జరిగిన మ్యాచ్లో సూపర్ఓవర్లో ఓడిన కోల్కతా ఈ మ్యాచ్లో సత్తా చాటాలని భావిస్తోంది.
- 4 మ్యాచ్లాడిన బెంగళూరు జట్టు ఇప్పటివరకు ఒక్క మ్యాచ్లోనూ గెలవలేదు. ముంబయి ఇండియన్స్తో జరిగిన మ్యాచ్లో దాదాపు గెలుపు ఖాయమనుకునే దశలో ఓటమి చవిచూసింది బెంగళూరు. కోహ్లీ, డివిలియర్స్ నిలకడగా రాణించాల్సి ఉంది. సమష్టిగా రాణించడంలో విఫలమవుతున్న కోహ్లీసేన ఈ మ్యాచ్లో పట్టుసాధించాలని భావిస్తోంది.
బెంగళూరు తుదిజట్టులో రెండు మార్పులు చేసింది. హెట్మయర్ స్థానంలోపవన్ నేగి, ఉమేశ్ యాదవ్ స్థానంలో టిమ్ సౌథీని తీసుకుంది.
గత మ్యాచ్కి దూరమైన కోల్కతా స్పిన్నర్ సునీల్ నరైన్ ఈ రోజు అందుబాటులో ఉండనున్నాడు. రసెల్, ఉతప్ప, దినేశ్ కార్తీక్, క్రిస్ లిన్లతో కోల్కతా బ్యాటింగ్ లైనప్ బలంగా ఉంది. పిచ్ బ్యాటింగ్కు అనుకూలించనుంది. ఇక్కడ సగటు స్కోరు 175 నుంచి 180 మధ్య నమోదైంది.
- జట్లు..