హైదరాబాద్లో సన్రైజర్స్ను ఓడించింది ముంబయి ఇండియన్స్. ఈ గెలుపులో కీలక పాత్ర పోషించాడు కొత్త బౌలర్ అల్జారీ జోసెఫ్. కేవలం 12 పరుగులిచ్చి ఒక మెయిడిన్తో సహా 6 వికెట్లు పడగొట్టి ఐపీఎల్లో సరికొత్త రికార్డు నెలకొల్పాడు. ఐపీఎల్లో ఒక బౌలర్ అత్యుత్తమ గణాంకాలివే కావడం గమనార్హం. మ్యాచ్ అనంతరం జరిగిన సమావేశంలో మాట్లాడుతూ... నిజంగా ఇది నమ్మలేకపోతున్నానని... ఈ రోజుని ఎప్పటికీ గుర్తుంచుకుంటానని అల్జారీ చెప్పాడు.
2008లో పాక్ బౌలర్ సొహైల్ తన్వీర్.. రాజస్థాన్ రాయల్స్ తరఫున 14 పరుగులకు 6 వికెట్లు తీసిన ఘనతను.. అల్జారీ తన తొలి మ్యాచ్లోనే తిరగరాశాడు.
''నమ్మలేకపోతున్నాను. ఇది నిజంగా నాకు అద్భుత ప్రారంభం. ఈ రోజుని ఎప్పటికీ గుర్తుంచుకుంటాను. ఎప్పుడైనా సరే నాలోని అత్యుత్తమ ఆటని బయటకు తేవాలనుకుంటాను. నేను ఆడుతున్న జట్టుకు వీలైనంత సహకారం అందించాలనేదే నా కోరిక''