రాజస్థాన్ రాయల్స్తో జరిగిన మ్యాచ్లో దిల్లీ క్యాపిటల్స్ 6 వికెట్ల తేడాతో విజయం సాధించింది. 192 పరుగుల లక్ష్యాన్ని 4 వికెట్లు కోల్పోయి ఛేదించింది. రిషభ్ పంత్ (78, 36 బంతుల్లో), శిఖర్ ధావన్ (54) అర్ధ శతకాలతో చెలరేగారు. జైపుర్ వేదికగా జరిగిన ఈ మ్యాచ్లో టాస్ ఓడి బ్యాటింగ్కు దిగింది రాజస్థాన్. రహానే (105, 63 బంతుల్లో) శతకం వృథా అయింది. మ్యాన్ ఆఫ్ ద మ్యాచ్గా రిషభ్ పంత్ ఎంపికయ్యాడు.
192 పరుగుల లక్ష్య ఛేదనతో బరిలో దిగిన దిల్లీకి శుభారంభం దక్కింది. శిఖర్ ధావన్ - పృథ్వీ షా జోడి తొలి వికెట్కు 72 పరుగుల జతచేసింది. 25 బంతుల్లోనే అర్ధ శతకం పూర్తి చేసిన ధావన్ ధాటిగా ఆడే ప్రయత్నంలో శ్రేయస్ గోపాల్ బౌలింగ్లో స్టంపౌట్ అయ్యాడు. అనంతరం పంత్ విజృంభించి జట్టును లక్ష్యం దిశగా తీసుకెళ్లాడు. 26 బంతుల్లో అర్ధ శతకం పూర్తి చేశాడు పంత్. మరో పక్క పృథ్వీ షా నిలకడగా ఆడుతూ పంత్కు సహకరించాడు. చివర్లో పృథ్వీ షా ఔటైనా.. అనంతరం ఇంగ్రామ్ సాయంతో పంత్ పని పూర్తి చేశాడు.
పంత్ పరాక్రమం..