దిల్లీ క్యాపిటల్స్తో తలపడుతున్న కోల్కతా నైట్ రైడర్స్ జట్టు నిర్ణీత 20 ఓవర్లలో 7 వికెట్లు కోల్పోయి 178 పరుగులు చేసింది. కోల్కతా వేదికగగా జరుగుతున్న మ్యాచ్లో శుభ్మన్ గిల్(65, 39 బంతుల్లో) అర్ధశతకంతో ఆకట్టుకోగా.. మరోసారి చివర్లో రసెల్ (45) విజృంభించాడు. దిల్లీ బౌలర్లలో రబాడా, మోరిస్, కీమో పాల్.. తలో రెండు వికెట్లు తమ ఖాతాలో వేసుకున్నారు.
టాస్ ఓడి బ్యాటింగ్కు దిగిన కోల్కతా జట్టు... ఖాతా తెరవకుండానే జోయ్ (0) వికెట్ కోల్పోయింది. ఐపీఎల్ అరంగేట్ర మ్యాచ్లో జోయ్ ఎదుర్కున్న తొలి బంతికే ఔటయ్యాడు. అనంతరం శుభ్మన్ గిల్- ఊతప్ప మరో వికెట్ పడకుండా నిలకడగా ఆడారు. చెత్త బంతులను బౌండరీకి తరలిస్తూ స్కోరు వేగాన్ని పెంచారు. 9వ ఓవర్లో రబాడా బౌలింగ్లో ఊతప్ప (28) వెనుదిరిగాడు. కొద్దిసేపటికే నితీశ్ రానా (11), దినేశ్ కార్తీక్ (2) కూడా పెవిలియన్ చేరారు. చివర్లో రసెల్ మళ్లీ తనదైన శైలిలో విరుచుకుపడ్డాడు.