India Vs South Africa Test Series 2023 :టీమ్ఇండియా స్టార్ బ్యాటర్ విరాట్ కోహ్లీ గురించి దక్షిణాఫ్రికా మాజీ ఆటగాడు జాక్వెస్ కలిస్ ఆసక్తికరమైన వ్యాఖ్యలు చేశాడు. సఫారీలతో త్వరలో ఆడబోయే టెస్ట్ సిరీస్లో విజయం సాధించాలంటే విరాట్ కోహ్లీ ఫామ్, దక్షిణాఫ్రికా పరిస్థితులపై అతడికి ఉన్న అవగాహన కీలకం అని అన్నాడు. ఈ కోహ్లీ మంచి ఫామ్లో ఉన్నాడన్న కలిస్, ఈ సిరీస్లో అతడు మంచి ప్రదర్శన చేస్తాడని తాను అనుకుంటున్నట్లు తెలిపాడు.
"అతడు (విరాట్ కోహ్లీ) ఎక్కడ ఉన్నా భారీ ఆటగాడే. ఇక్కడ విరాట్ కోన్ని మ్యాచ్లు ఆడాడు. కొన్నింట్లో విజయం సాధించాడు. ఇక్కడి పరిస్థితులపై అతడికి ఉన్న సమాచారాన్ని ఇతర ప్లేయర్లకు, ప్రత్యేకించి యువ ఆటగాళ్లకు అందించగలడు. ఇక్కడి పరిస్థితులను ఎలా మేనేజ్ చేయాలో దాని నుంచి ఏం ఆశించాలో వారికి సూచనలు ఇవ్వగలడు. భారత జట్టు బాగుంది. కానీ దక్షిణాఫ్రికాను బీట్ చేయడం కూడా చాలా కష్టం. సెంచూరియన్ పిచ్ బహుశా దక్షిణాఫ్రికాకు అనుకూలంగా ఉంటుంది. న్యూలాండ్స్ బహుశా భారత్ ప్రస్తుత జట్టు పరిస్థితికి సరిపోతుంది. ఈ సిరీస్లో ఇరు జట్లకు గట్టి పోటీ ఉంటుంది"
-- జాక్వెస్ కలిస్, దక్షిణాఫ్రికా మాజీ క్రికెటర్
అయితే టీమ్ఇండియా సౌతాఫ్రికా పర్యటనలో రెండు టెస్టు మ్యాచ్లు ఆడనుంది. ఈ మేరకు 16 మందితో కూడిన జట్టును ఇదివరకే ప్రకటించింది బీసీసీఐ.