Ind W vs Eng W 2nd T20 :ఇంగ్లాండ్తో జరిగిన రెండో టీ20లో భారత మహిళల జట్టు ఓటమి చవిచూసింది. బ్యాటింగ్లో ఘోరంగా విఫలమైన టీమ్ఇండియా, బౌలింగ్లోనూ పెద్దగా ప్రభావం చూపకపోవడం వల్ల ఇంగ్లాండ్ 4 వికెట్ల తేడాతో నెగ్గింది. భారత్ నిర్దేశించిన 80 పరుగుల స్పల్ప లక్ష్యాన్ని, ఇంగ్లాండ్ 11.2 ఓవర్లలో ఆరు వికెట్లు కోల్పోయి ఛేదించింది. భారత బౌలర్లలో రేణుకా ఠాకూర్ సింగ్, దీప్తి శర్మ 2 వికెట్లు పడగొట్టారు. సైకా, పూజా తలో వికెట్ తీశారు. ఈ విజయంతో మూడు మ్యాచ్ల టీ20 సిరీస్ను ఇంగ్లాండ్ 2-0 తేడాతో దక్కించుకుంది.
స్పల్ప లక్ష్య ఛేదనలో ఇంగ్లాండ్ మూడు ఓవర్లకే రెండు వికెట్లు కోల్పోయింది. ఓపెనర్లు సోఫీయా డంక్లీ (9), డ్యానీ వ్యాట్‌ (0) వెంటవెటనే పెవిలియన్ చేరారు. వీరిద్దరిని రేణుకా సింగ్ ఒకే ఓవర్లో ఔట్ వెనక్కిపంపింది. అయినప్పటికీ ఇంగ్లాండ్ బెదరలేదు. వన్ డౌన్లో వచ్చిన అలిల్ కాప్సీ (25 పరుగులు), నాట్ సీవర్ (16 పరుగులు)తో కలిసి స్కోర్ బోర్డును ముందుకు నడిపించింది. ఇక 8 ఓవర్లో సీవర్ను పూజ వస్త్రకార్ క్లీన్ బౌల్డ్ చేసింది. ఆ వెంటనే ఇంగ్లాండ్ మరో 3 వికెట్లు కోల్పోయింది. కానీ, అప్పటికే ఇంగ్లాండ్ విజయానికి చాలా దగ్గరైంది. చివర్లో సోఫీ (9*), నైట్ (7*) మిగిలిన పని పూర్తి చేశారు.