ICC ODI Rankings: ఐసీసీ తాజాగా వన్డే ర్యాంకింగ్స్ను ప్రకటించింది. బ్యాటింగ్ విభాగంలో టీమ్ ఇండియా మాజీ సారథి విరాట్ కోహ్లీ, కెప్టెన్ రోహిత్ శర్మ తమ స్థానాలను కాపాడుకున్నారు. దక్షిణాఫ్రికాతో మూడో వన్డెల సరీస్లో కోహ్లీ రెండు అర్ధ శతకాలు బాది రేటింగ్ పాయింట్లను మెరుగుపర్చుకోగా.. రోహిత్ ఈ సిరీస్ ఆడనప్పటికీ తన ర్యాంను పదిలపరుచుకున్నాడు. అయితే న్యూజిలాండ్ బ్యాటర్ రాస్ టేలర్ తన రేటింగ్ పాయింట్లు మెరుగుపరుచుకుని రోహిత్కు సమానంగా నిలిచాడు.
ఈ సిరీస్లో రాణించిన ఓపెనర్ శిఖర్ ధావన్ ఒక స్థానం మెరుగుపడి 15వ స్థానంలో నిలిచాడు.
భారత్-దక్షిణాఫ్రికా వన్డే సిరిస్లో సఫారీల విజయంలో కీలక పాత్ర పోషించిన వికెట్ కీపర్ బ్యాటర్ క్వింటన్ డీకాక్ తన కెరీర్లోనే అత్యుత్తమంగా 5 ర్యాంకుకు చేరుకున్నాడు. మరో బ్యాటర్ వాన్డర్ డస్సెన్ 10 స్థానానికి దూసుకొచ్చాడు. మరో బ్యాటర్ బవుమా ఏకంగా 21 స్థానాలు ఎగబాకి 59వ ర్యాంకుకు చేరుకున్నాడు.