ప్రపంచ టెస్టు ఛాంపియన్షిప్ ఫైనల్, ఇంగ్లాండ్ సిరీస్ కోసం బీసీసీఐ, ఇటీవల జంబో జట్టును ప్రకటించింది. ఇందులో భువనేశ్వర్ కుమార్ లేకపోవడం అందరినీ ఆశ్చర్యపరిచింది. దీంతో అతడు టెస్టుల్లో ఆడటానికి సుముఖంగా లేడని జోరుగా ప్రచారం సాగింది. ఇప్పుడు ఈ విషయమై స్పందించిన భువీ.. ఆ వార్తలను ఖండించాడు.
టెస్టు కెరీర్పై భువనేశ్వర్ కుమార్ క్లారిటీ
టెస్టు క్రికెట్ నుంచి తాను తప్పుకుంటున్నట్లు వస్తోన్న వార్తలను టీమ్ఇండియా బౌలర్ భువనేశ్వర్ కొట్టిపారేశాడు. జట్టు ఎంపికతో సంబంధం లేకుండా మూడు ఫార్మాట్లు ఆడేందుకు ఎప్పుడూ సిద్ధమేనని అన్నాడు.
భువీ
"నేను టెస్టు క్రికెట్ ఆడటానికి ఇష్టంగా లేనంటూ కథనాలు వస్తున్నాయి. నేనొకటి స్పష్టం చేయాలనుకుంటున్నాను. జట్టు ఎంపికతో సంబంధం లేకుండా మూడు ఫార్మాట్లకు ఆడటానికి ఎప్పుడూ సిద్ధంగా ఉంటాను. ఇదే పద్ధతిని ఇకపైనా కొనసాగిస్తాను. మీకొక సూచన.. దయచేసి విశ్వసనీయ వర్గాల ఆధారంగా కథనాలు రాయొద్దు" అని ట్వీట్ చేశాడు.
ఇదీ చూడండి: భువనేశ్వర్కు ఐసీసీ 'ప్లేయర్ ఆఫ్ ది మంత్' అవార్డు