European Cricket Series : క్రికెట్‌లో జరిగే ఎన్నో ఘటనలు నవ్వు తెప్పించేలా ఉంటాయి. బ్యాటర్లు, బౌలర్లు, ఫీల్డర్లు చేసే కొన్ని ఫీట్ల వల్ల అప్పుడప్పుడు ఆ జట్టుకు నష్టం వాటిల్లుతుంది. అయితే, ఇలాంటివే సోషల్ మీడియాలో వైరల్‌ అవుతూ ట్రెండ్ సృష్టిస్తుంటాయి. తాజాగా ఓ క్లబ్ క్రికెట్‌లో జరిగిన ఓ సంఘటన అందర్నీ ఆశ్చర్యానికి గురిచేసింది. ఇంతకీ అదేందంటే..
అంత‌ర్జాతీయ క్రికెట్, ప్రాంఛైజీ లీగ్‌ ఇలా ఆట ఏదైనా ఓవ‌ర్ త్రో అనేవి చాలా క‌ష్టం. అయితే అవి ఎప్పుడో ఒక‌సారి జ‌రుగుతుంటాయి. కానీ తాజాగా జరుగుతున్న యూరోపియన్ క్రికెట్ లీగ్‌లో ఓవ‌ర్ త్రోలు మాత్రం సర్వసాధారణమయ్యాయి. ఈ క్ర‌మంలోనే ఈ స‌ర‌దా ఘ‌ట‌న జరిగింది.యునైటెడ్ క్రికెట్ క్లబ్- ప్రేగ్ టైగర్స్ జ‌ట్ల మ‌ధ్య టీ10 మ్యాచ్ జరిగింది. మొద‌ట బ్యాటింగ్ చేసిన టైగర్స్ అమీన్ హొస్సేన్ (20), సోజిబ్ మియా (30) రాణించడం వల్ల నిర్ణీత 10 ఓవ‌ర్ల‌లో 5 వికెట్ల న‌ష్టానికి 109 పరుగులు చేసింది. అయితే పీయూష్‌సింగ్ బఘెల్ 23 బంతుల్లో 42 పరుగులు స్కోర్ చేసి స‌త్తాచాట‌డం వల్ల యునైటైడ్ జట్టు 9.5 ఓవ‌ర్ల‌లో 2 వికెట్లు మాత్ర‌మే కోల్పోయి ల‌క్ష్యాన్ని అందుకుంది. అయితే యునైటైడ్ విజ‌యానికి రెండు బంతుల్లో మూడు పరుగులు అవ‌స‌రం.