చెస్టర్ లీ స్ట్రీట్ వేదికగా జరుగుతున్న మ్యాచ్లో ముందుగా బ్యాటింగ్ చేసిన లంక... నిర్ణీత 50 ఓవర్లలో 338 పరుగులు చేసింది. మూడో స్థానంలో దిగిన ఫెర్నాండో అద్భుతంగా ఆడి 104 పరుగులు చేశాడు.
టాస్ ఓడిన శ్రీలంకకు బ్యాటింగ్ అప్పగించింది వెస్టిండీస్. ఓపెనర్లు కరుణరత్నే-కుశాల్ పెరీరా జోడీ తొలి వికెట్కు 93 పరుగులు జోడించి బలమైన పునాది వేశారు. ఆ తర్వాత వెంట వెంటనే వారిద్దరూ ఔటయ్యారు. కరుణరత్నే 32, పెరీరా 64 పరుగులు చేశారు. మిగతావారిలో కుశాల్ మెండిస్ 39, మాథ్యూస్ 26, తిరుమన్నె 45 పరుగులు చేశారు.