WC19: శతకంతో అదరగొట్టిన హిట్​మ్యాన్​

సౌతాంప్టన్ వేదికగా దక్షిణాఫ్రికాతో జరుగుతున్న మ్యాచ్​లో రోహిత్ శర్మ సెంచరీతో విజృంభించాడు. 128 బంతుల్లో వంద పరుగులు పూర్తి చేశాడు. వికెట్లు పడుతున్నా.. క్రీజులో నిలబడి స్కోరు వేగం పెంచాడు.

దక్షిణాఫ్రికాతో జరుగుతున్న మ్యాచ్​లో భారత స్టార్ ఓపెనర్ రోహిత్​ శర్మ శతకంతో అదరగొట్టాడు. మిగతా బ్యాట్స్​మెన్ విఫలమవుతున్నా నిలకడగా ఆడుతూ ఇన్నింగ్స్​ చక్కదిద్దే ప్రయత్నం చేస్తోన్నాడు. 128 బంతుల్లో వంద పరుగులు చేసి కెరీర్​లో 23వ సెంచరీ నమోదు చేశాడు. ఈ ప్రపంచకప్​లో భారత్​ తరపున మొదటి శతకం చేసిన ఆటగాడు రోహిత్.

రబాడా వేసిన రెండో ఓవర్​ నాలుగో బంతికి రోహిత్ క్యాచ్ ఇచ్చాడు. స్లిప్​లో ఉన్న డూప్లెసిస్ క్యాచ్ జారవిడిచాడు. అప్పటికి రోహిత్ ఒక్కపరుగు మాత్రమే చేశాడు. దీనికి సఫారి జట్టు భారీ మూల్యమే చెల్లించుకుంది.

ఆరంభంలోనే ధావన్ ఔటైనా.. క్రీజులో పాతుకపోయి స్కోరు వేగం పెంచాడు రోహిత్. వీలు చిక్కినప్పుడల్లా బౌండరీ కొడుతూ భారత్​ను లక్ష్య ఛేదన దిశగా తీసుకెళ్లతున్నాడు హిట్​ మ్యాన్​.