టీమిండియాతో జరిగే మ్యాచ్పై ఆసక్తికర వ్యాఖ్యలు చేశాడు పాక్ బౌలర్ మహ్మద్ ఆమిర్. ఈ మ్యాచ్లో మంచి ప్రదర్శన చేసి ఐదు వికెట్లు పడగొట్టడమే తన తల్లి నసీం అక్తర్ కోరికని తెలిపాడు. గత మార్చిలో తల్లిని కోల్పోయిన పాక్ బౌలర్ టీమిండియాతో మ్యాచ్కు ముందు ఆమె మాటలను గుర్తు చేసుకున్నాడు.
"నేను బాగా ఆడాలని స్వర్గం నుంచి నా తల్లి తప్పకుండా ప్రార్థిస్తుంది. మ్యాచ్ జరిగేటప్పుడు ప్రతిసారి ఆమె టీవీ ముందు కూర్చొని నేను బాగా ఆడాలని కోరుకునేది. ఇక నేను ఐదు వికెట్లు తీయడమే మా అమ్మ పెద్ద కోరిక. అలా నేను ఆడిన ప్రతి మ్యాచ్లోనూ ఐదు వికెట్లు తీయాలని కోరుకునేది. ఆస్ట్రేలియాపై ఐదు వికెట్లు తీసిన వెంటనే కన్నీళ్లొచ్చాయి. ఆ సమయంలో మా అమ్మ చెప్పిన మాటలు గుర్తుకొచ్చాయి" అని ఆమిర్ భావోద్వేగానికి లోనయ్యాడు.