పది నెలల క్రితంతో పొల్చుకుంటే ప్రస్తుతం తమ జట్టు మంచి స్థితిలో ఉందని ఆస్ట్రేలియా కెప్టెన్ ఆరోన్ ఫించ్ తెలిపాడు. బాల్ ట్యాంపరింగ్ వివాదం తర్వాత వరుసగా సిరీస్లు కోల్పోయి అప్పుడు వెనకంజలో ఉన్నామని శ్రీలంకతో వార్మప్ మ్యాచ్ అనంతరం చెప్పాడు.
"ప్రస్తుతం మేము మంచి స్థితిలో ఉన్నాం. పది నెలల క్రితంతో పోల్చుకుంటే జట్టు పటిష్ఠంగా ఉంది. అందరూ ఫామ్లో ఉన్నారు" -ఆరోన్ ఫించ్, ఆస్ట్రేలియా సారథి
గత ఏడాది బాల్ ట్యాంపరింగ్ వివాదంతో కంగారూ ఆటగాళ్లు స్టీవ్ స్మిత్, డేవిడ్ వార్నర్ సంవత్సరం పాటు అంతర్జాతీయ మ్యాచ్లు ఆడకుండా నిషేధం ఎదుర్కొన్నారు. అనంతరం ఇంగ్లాండ్, సౌతాఫ్రికాతో జరిగిన వన్డే సిరీస్ కోల్పోయింది ఆసీస్. సొంతగడ్డపై భారత్తో టెస్ట్ సిరీస్లోనూ ఓడింది.
అయితే ప్రస్తుతం డిఫెండింగ్ ఛాంపియన్గా బరిలో దిగుతున్న ఆస్ట్రేలియా వార్మప్ మ్యాచుల్లో సత్తా చాటింది. ఇంగ్లాండ్, శ్రీలంకపై విజయం సాధించి ఆత్మవిశ్వాసంతో ఉంది ఆసీస్.
ఇది చదవండి:మిడిలార్డల్ సమస్యకు పరిష్కారం దొరుకుతుందా..?