చాహల్ ఖాతాలో చెత్త రికార్డు..

భారత స్పిన్నర్ చాహల్ చెత్త రికార్డును మూటగట్టుకున్నాడు. ఇంగ్లాండ్​తో జరుగుతోన్న మ్యాచ్​లో తన వన్డే కెరీర్​లో అత్యధిక పరుగులు సమర్పించుకున్నాడు. ప్రపంచకప్​లో ఓ భారత బౌలర్ ఇన్ని పరుగులు ఇవ్వడం ఇదే తొలిసారి.

టీమిండియా స్పిన్నర్‌ చాహల్‌ చెత్త రికార్డును మూటగట్టుకున్నాడు. తన వన్డే కెరీర్‌లో అత్యధిక పరుగులను సమర్పించుకున్నాడు. ప్రపంచకప్​లో భాగంగా ఇంగ్లాండ్‌తో జరుగుతోన్న మ్యాచ్‌లో చాహల్‌ పది ఓవర్లు బౌలింగ్‌ వేసి 88 పరుగులిచ్చాడు. ఇది చాహల్‌కు వన్డేల్లో చెత్త ప్రదర్శనగా నమోదైంది. అలాగే ప్రపంచకప్​లో ఓ భారత బౌలర్​ ఇన్ని పరుగులు ఇవ్వడం ఇదే తొలిసారి.

ఇంతకుముందు వన్డేల్లో ఎప్పుడూ చాహల్‌ ఇంత భారీగా పరుగులు సమర్పించుకోలేదు. ఈ ప్రపంచకప్​లో ఇది మూడో చెత్త బౌలింగ్ ప్రదర్శన. ఈ మెగా టోర్నీలో అఫ్గానిస్థాన్‌ స్పిన్నర్‌ రషీద్‌ ఖాన్‌(110 పరుగులు-ఇంగ్లాండ్‌పై), శ్రీలంక పేసర్‌ నువాన్‌ ప్రదీప్‌(88-ఆస్ట్రేలియా)లు అత్యధిక పరుగులు ఇచ్చిన బౌలర్లు. ఆ తర్వాత స్థానం చాహల్‌దే కావడం గమనార్హం.

ఇవీ చూడండి.. ఇంగ్లాండ్​తో మ్యాచ్​లో పంత్​కు ఛాన్స్​