ప్రపంచకప్లో అదరగొట్టిన జోఫ్రా ఆర్చర్.. త్వరలో జరిగే యాషెస్ సిరీస్ కోసం ఎంపికయ్యాడు. తొలి టెస్టు కోసం ఇంగ్లాండ్ శనివారం ప్రకటించిన 14 మందితో కూడిన జట్టులో చోటు దక్కించుకున్నాడు. ఆల్రౌండర్ బెన్ స్టోక్స్ మళ్లీ వైస్ కెప్టెన్గా నియమితుడయ్యాడు.
24 ఏళ్ల ఆర్చర్.. ఇంగ్లాండ్ తరఫున వన్డేల్లో అరంగేట్రం చేసింది ఈ ఏడాదే. ఆ వెంటనే ప్రపంచకప్లో పాల్గొనే అవకాశం దక్కించుకున్నాడు. ఇప్పుడు ప్రఖ్యాత యాషెస్ సిరీస్లో ప్రముఖ పాత్ర పోషించేందుకు సిద్ధమవుతున్నాడు. ఆగస్టు 1 నుంచి ఇంగ్లాండ్ వేదికగా ఈ మ్యాచ్లు ప్రారంభం కానున్నాయి.
జో రూట్ సారథ్యం వహిస్తున్న ఈ జట్టుకు బట్లర్, స్టోక్స్ వైస్ కెప్టెన్సీ బాధ్యతలు నిర్వర్తించనున్నారు.