గత దశాబ్దకాలంగా తన ఆటతీరుతో కోట్ల మంది అభిమానులను సంపాదించుకున్న టీమ్ఇండియా స్టార్ విరాట్ కోహ్లీ. భారత జట్టు సారథిగా చెరిగిపోని రికార్డులెన్నో సాధించి పెట్టాడు. గురువారంతో 32వ వసంతంలోకి అడుగుపెట్టాడు. ఈ సందర్భంగా సోషల్ మీడియా వేదికగా సహచర క్రికెటర్లు, సెలబ్రిటీలు విరాట్కు శుభాకాంక్షలు చెబుతున్నారు.
- మున్ముందు మరిన్ని విజయాల్ని అందుకుంటావ్ కోహ్లీ అని మాజీ క్రికెటర్ రైనా అన్నాడు.
- అధిక సంతోషం, విజయం, ప్రేమ దొరుకుతుందని వీవీఎస్ లక్ష్మణ్, కోహ్లీకి శుభాకాంక్షలు తెలిపాడు.
- దక్షిణాఫ్రికాతో జరిగిన మ్యాచ్లో 254 పరుగలు తీసిన సందర్భాన్ని గుర్తు చేసింది బీసీసీఐ. ఇప్పటివరకు 21,901 పరుగులు, అంతర్జాతీయ క్రికెట్లో 70 శతకాలు, 2011 ప్రపంచకప్లో కోహ్లీ చేశాడని చెప్పింది.
- తమ జట్టు కోసం స్వేదం, కన్నీరు, రక్తం చిందించిన కోహ్లీకి పుట్టినరోజు శుభాకాంక్షలు అంటూ రాయల్ ఛాలెంజర్స్ బెంగళూరు ట్వీట్ చేసింది.
- నా ఇష్టమైన క్రికెటర్లలో ఒకరైనా కోహ్లీకి పుట్టిన రోజు శుభాకాంక్షలు అని మహేశ్బాబు ట్వీట్ చేశాడు. మరిన్ని రికార్డులు సృష్టించి, భారత్ను గర్వించేలా చేయాలని ఆకాంక్షించారు.
- సన్రైజర్స్ హైదరాబాద్ కూడా కోహ్లీకి శుభాకాంక్షలు తెలిపింది. అబుదాబిలో శుక్రవారం జరగనున్న మ్యాచ్లో కలుద్దాం అని రాసుకొచ్చింది.