సామాజిక మాధ్యమాల్లో చురుగ్గా ఉండే టీమ్ఇండియా మాజీ ఆల్రౌండర్ యువరాజ్ సింగ్.. వరుస ఛాలెంజ్లతో అభిమానులను అలరిస్తున్నాడు. ఇటీవల 'కీప్ ఇట్ అప్' అనే ఛాలెంజ్ను ప్రారంభించి దీన్ని కొనసాగించండి అంటూ సచిన్, రోహిత్, హర్భజన్ సహా పలువురిని నామినేట్ చేశాడు. అయితే ఈ ఛాలెంజ్ను కళ్లకు గంతలు కట్టుకొని వినూత్నంగా పూర్తి చేసి అందరినీ ఆశ్చర్యానికి గురి చేశాడు సచిన్.
అయితే తాజాగా 'వంటింట్లో వంద' పేరిట మరో కొత్త ఛాలెంజ్తో తెరపైకి వచ్చాడు యువీ. దీనికి సంబంధించిన వీడియోను ఇన్స్టాలో పోస్ట్ చేశాడు. ఇందులో కళ్లకు గంతలు కట్టుకొని అప్పడాల కర్రతో టెన్నిస్ బంతి కిందపడకుండా కొడుతూ కనిపించాడు. సచిన్ కూడా ఇదే విధంగా చేయాలంటూ సవాల్ విసిరాడు.